الاستغفار يجعل حياتنا اجمل و يحقق الامانى - منتديات الرحمة والمغفرة

الاستغفار يجعل حياتنا اجمل و يحقق الامانى

مساء الخير ع الجميع عندى كلام مهم جدا بنحكيه وياريت الكل يقراه للاستفاده اى شخص فيكم عندها مشكله معينه او امنيه اتمنا اتحقق فى حياتها ( الانجاب . الزواج . نجاح . مشكله معقده مش عارفه كيف اتحلها اى شئ . امنيه شبه مستحيله ....... الخ ) كله عندى له حل والله والذى لا اله الا هو اذا التزمتى بكل كل شئ بنقوله و طبقتيه ابشرى بى الى خاطرك فيه لاحظت واااجد فى ناس الى ايقول متضايق نفسيا او عندى مشكله ولا مازالت ما تزوجت وكل خطيب ما يصيرش منه او متزوجه من سنين و ماعندهاش اولاد انبشرك ونقوالك انسى الحزن ﴿ لَا تَحْزَنْ إِنَّ اللَّهَ مَعَنَا ﴾ عمرك ما يصيبك هم وحزن والله فى السماء كل الى خاطرك فيه واتمنيه بصير بس لازززززم من العزيمه والاصرار وحسن الظن بالله اهم شئ حسن الظن بالله قول الــلّــه تعالى في الحديث القدسي : ( أنا عند ظن عبدي بي ) .حينما نتوقع أن حياتنا ستصبح جميلة ورائعة ، و ننجح ، و نسمع الأخبار الجيدة .. فا الــلّــه يعطينا إياها .. " وعلى نياتكم ترزقون " .. ( هذا من حسن الظن با الــلّــه ) و إذا كنت موسوسا و دائماً تفكر أنه ستصيبك مصيبة و ستواجهك مشكلة و حياتك كلها ستصبح مآسي و هم و نكد تأكد أنك ستعيش مثلما أحسست ( هذا من سوء الظن با الــلّــه ) لا تتذمر وتظن السوء و تقول إني أحسست بذلك لأن رب العزة والملكوت يقول (الظانين بالله ظن السوء عليهم دائرة السوء ) ولا تنس أن الــلّــه كريم ( بيده الخير ) وهو على كل شيء قدير ثانيا واهم شئ فى الحياه الاستغفاااااااااااااااااار والله لو نحكى لعند بكره عن فوائد الاستغفار مش راح نوفيه حقه الى يبى راحه البال وانشراح النفس والاشراقه والابتسانه الدائمه فى الوجه وتبى ربى يحفظك من اى مرض او من كوارث الدنيا وربى يخلى حياتك سعيده وكل امورك متيسره وساهله وكل الى اتمنيه يصير عليك يا اختى بكثرررره الاستغفار كل يووووم هووو السحررر الحلال والاعجوبه فى تحقيق الامنيات قآل عمر بن الخطآب { رضـــى الله عنه } (لو نـــزلت صآعقـــه من السمــــآء مآ أصـــآبت مستغفـــر ) أستغفـــر الله الـــذي لآ إلـــه إلآ هو الحــي القيـــوم وأتوب إلــيه اى حد عندها امنيه شبه مستحيله وتظن انها صعبه جدا والله العظيم اتحقق كل امنيه عندك بفضل الاستغفار قال تعالى : فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا) طبعا الكلام هذا مش جديد والاكثريه يعرف فضل الاستغفار بس المشكله عندنا عدم الانتظام والالتزام بى الاستغفار فى كل وقت يعنى اتحمسى وتستغفرى ثلاث ايام ولا اسبوع و توقفى باهى نحنا توا بنديرو زى الجدول يعنى تعالو كلكم وكل حد ايحط هدف فى حياته وعنده امنيه ولازم اتحقق كل حد ايقول بينها وبين نفسه انا نبى امنيتى اتحقق و ابتدأ من بكره اندير زى الجدول للاستغفار وتحط شئ فى بالك وتستغفر علشان يتحقق مثلا كل بعد صلاه 500 او 1000 كل يوم و تلتزم بيه وطبعا عندى طرق وادعيه اخره لى تحقيق اى امنيه مستحيله بس يطول الشرح فيها مره ثانيه نحكى عليها لان هذا قد ما حاولت نختصر ما قدرتش المهم اى حد عندها مشكله اتقول ( بين صلاه العشاء والمغرب (الرشيد ) 1000 مره ) والله بأذن الله تنحل والى اتحس بى ضيق او زعل بدون سبب تقرا( سوره الشرح 11 مره ) وتقول (اللهم انت رحيم لا رحيم الا انت 100 مره ) خلى عندك بس ثقه فى الله و قوه اصرار وعقيده وتكون مصدقه الشئ هذا من داخلك وربى يعطيك لحتى يرضيك (ولسوف يعطيك ربك فترضى) فى ادعيه و اذكار الكل يعرفها بس للاسف ما نعرفوش قيمتها و مدا تأثيرها فى حياتنا ولها مفعول عجيب فى تحقيق الراحه والسعاده فى حياتنا اى وحده اتحب ان تكون حياتها اجمل وفى رضا الله طبعا اتقول كل يوم (لاحول ولا قوه الا بالله العلى العظيم ) 100 مره والله لها مفعول عجيب فى تغيير من حال لى حال احسن الكلام هذا الى انقواله لكم الحمد لله عن تجارب الكثير والحمد لله ( عندى صديقه ليا لها كم سنه ما جابت اطفال وكانت يائسه بكل و كانت قصه والدتها شبه مستحيله ووووو قصه يطول شرحها المهم نصحتها وقعدت معها خطوه بخطوه و رغم صعوبه وضعها لكن والله العظيم انقوللها بى يقين راح يجى اليوم الى انشوفك ماسكه ابنك فى ايدك و فعلا الحمد لله لانى كنت محسنه الظن بالله و واثقه من اجابته لعند والله العظيم حملت وجابت ومسكت ابنها بين ايدها طبعا قلتها الكلام الى قلته لكم وكانت كل يوم تستفغر كل يوم واجد وتقول (لاحول ولا قوه الا بالله العلى العظيم ) 100 مره يوميا ونصحتها بى شئ مهم وهو خاص بى اى مراه تبى اتجيب الاطفال تقرأ سوره الانبياء يوميا وتكون طول اليوم على وضوء و تستغفر الله 3000 مره والله العظيم بفضل الله والكلام الى طبقاته تغيرت حياتها 180 درجه للاحسن فى كل شئ والحمد لله جابت اوليد ماشاء الله ويارب ترزق كل محروم والله من شده الفرحه يوم سمعت بى ولدتها بكيت . والى عنده حاجه من حوائج الدنيا يقول ( اللهم انت عزيز لا عزيز الا انت 40 مره ) الخلاصه من كلامى اى شئ خاطرك فيه وحتى ان كان مستحيل يتحقق بى 3 اشياء الاستغفار والاحسن الظن بى الله و (لاحول ولا قوه الا بالله العلى العظيم ) 100 مره يوميا بس اهم شئ ما تمليش و اداومى عليه وابشرى بى اجابه الله لكى سامحونى طولت عليكم لان الموضوع يلزم منى الشرح ورغم هذا فى جعبتى الكثير من الادعيه والصلاوات المباركه لكل شئ والحمد لله وانا حبيت نحكى فى البوست هذا علشان نكسب الاجر من الله تعالى استغفر الله لى ولكم احباتى ولا تنسونى من الدعاء الطيب (ام محمد ) الاستغفار يجعل حياتنا اجمل و يحقق الامانى